पूर्वी नेपालमा आज पनि यातायात ठप्प
झापा, श्रावण २४ । यातायात व्यवसायीको विवादका कारण आज पनि पूर्वी नेपालमा सार्वजनिक यातायात सेवा ठप्प भएको छ । दोस्रो दिन पनि यतायात बन्द हुँदा ताप्लेजुङसहित पूर्वी नेपालको जनजीवन प्रभावित बनेको छ ।
नेपाल यातायात व्यवसायी राष्ट्रिय महासंघ अञ्चल समितिले झापा र कोसी अञ्चल यातायात व्यवसायी संघले मेची र कोसीमा हिजोदेखि अनिश्चितकालीन यातायत बन्दको आह्वान गरेका हुन् । व्यवसायीहरुको सहमति बिना झापाको काँकडभिट्टाबाट उज्यालो यातायात सञ्चालन गरेको विरोधमा बन्दको आह्वान गरिएको बताइएको छ ।
यातायात ठप्प पारिएपछि चर्को शुल्क बुझाएर यात्रुहरु नीजि सवारी साधन चढ्न बाध्य छन् । भाडाका सवारी साधन नचले पनि अन्य यातायातका साधन भने चलिरहेका छन् ।
उता, निरन्तरको बन्दको कारण पूर्वका बासिन्दा भने मारमा परेका छन् । गत बुधबारदेखि आजसम्म विभिन्न संगठनले पूर्वमा बन्दको आह्वान गर्दै आएका छन् ।
0 comments
Write Down Your Responses