Crime, अपराध » अन्तर्राष्ट्रिय अपराधीहरूको, आश्रयस्थल बन्दै नेपाल –रोशन पाण्डे

बब्लु दुवे, अब्दुल करिम टुण्डा, यासिन भटकल, चिरञ्जीवीसागर कुशवाह र विकास झा जस्ता कुख्यात अपराधीहरू भारतीय सञ्चारमाध्यमहरूले नेपालमा नै पक्राउ परेको दावी गर्दै आईरहेका छन्। भारतीय सञ्चारमाध्यमहरूले विश्वसामु नेपाललाई अन्तर्राष्ट्रिय कुख्यात अपराधीहरूको आश्रयस्थलका रुपमा नङग्याई रहेका छन्। नेपाल सरकार यस विषयमा मौन रहेपछि नेपालको छवी झन धुमिलिन पुगेको छ। तर महानगरिय प्रहरी आयुक्तको कार्यालय प्रमुख एआईजी नवराज ढकालले बब्लु दुवे बाहेकका कुनै पनि भारतीय अपराधी नेपालमा पक्राउ नपरेको बताएका छन्। एआईजी ढकालले भने–’नेपालका बारेमा भारतीय सञ्चारमाध्यमहरूले किन त्यस्तो समाचार सार्वजनिक गरिरहेका छन् र उनीहरूको नियत के हो बुझ्न सकिएको छैन्।’ नेपाल प्रहरीले यति गम्भिर विषयलाई न मान्न तयार छ, नत यसको सार्वजनिक र संस्थागत रुपमा खण्डन नै गर्न सकिरहेको छ। यतिबेला विदेशी सञ्चारमाध्यमहरूले नेपालमा कुख्यात अपराधीहरूले आश्रयस्थल बनाइरहेको  खबर सार्वजनिक गरिरहेका छन्। तर असारको दोस्रो साता पक्राउ परेका भारतीय प्रहरीको मस्टवाण्टेड सुचिमा रहेका बब्लु दुवेलाई भारतीय प्रहरीको आग्रहमा अञ्चल प्रहरी कार्यालय नारायणीले पक्राउ गरेपछि भारतीय अपराधीहरू नेपालमा पक्राउ पर्न थालेको श्रृखंला अझसम्म रोकिएको छैन्। भारतको विहार पूर्वी चम्पारण्ँ कल्याण्ँपुर मोतियारी निवासी वर्ष ३० का दुवेलाई राजधानीको सितापाइलामा लुकिछिपी बसेको सुचनाको पाएपछि अञ्चल प्रहरी कार्यालयका प्रमुख वरिष्ठ प्रहरी उपरि212क सर्वेन्द्र खनालको कमाण्डमा खटिएको टोलीले पक्राउ गरेको थियो। नेपाल र भारतको सिमा क्षेत्रमा रहेका उद्योगपति, व्यापारी, सरकारी कर्मचारी तथा भारतका राज्यसभा सदस्य समेतलाई फोन गरी धम्की दिदै रकम उठाउँदै आएका दुवे बिहार  पिपुल्स लिबरेसन आर्मी नामक अपराधी संगठनका प्रमुख नाईके रहेको अनुसन्धानबाट खुलेको थियो। प्रहरीले दुवेसाथबाट ६० हजार भारतीय रुपैयाँ, एक लाख  ७३ हजार नेपाली रुपैयाँ र नेपाली सिमकार्ड भएको पाँच थान मोबाईल समेत बरामद गरेको थियो। नेपाल प्रहरीसमक्ष दुवेले आफ्नै सहभागितामा ६ जनाको हत्या गरेको र उनको निर्देशनमा संगठनका अन्य सदस्यहरूले ३० भन्दा बढीको हत्या गरेको बताएका थिए। हत्या र डकैतीको अभियोगमा १० वर्ष जेल सजाँय पाएका फरार दुवेमाथि भारत सरकारले दुई लाख भारतीय रुपैयाँ इनाम घोषण्ँा गरेको बेला दुवे नेपालमा पक्राउ परेका थिए। दुवेको पक्राउसँगै विहार पूर्वी चम्पारण मोतिहारी जिल्लाका एसपी विनय कुमार र रक्सौल थानाका डीएसपी जितेन्द्र पाण्डेसहितका भारतीय अधिकारीहरू उनको सुपुर्दगीको पहल गर्न वीरगञ्ज आएका थिए। तर नाटकीय रुपमा दुवेलाई नेपालको कानून विपरित सुपर्दगी गरिएको थियो। भारतीय जासुसी संस्था रिमर्च एण्ड एनलाईसिस विङ ‘रअ’ले पच्छाइरहेको मुम्वई हमलाका कुख्यात अपराधी अब्दुल करिम टुण्डा नेपालमा नै पक्राउ परेका समाचार एक महिना अगाडि सार्वजनिक भयो। अब्दुल करिम टुण्डा नेपालमा पक्राउ परेको विषयलाई लिएर विभिन्न टिका टिप्पणी उठाइए।

0 comments

Write Down Your Responses