पत्नीसँगको विवादमा अधिवक्ताद्वारा विष सेवन गरी आत्महत्या
रासस
गौशाला— किट नासक विषादी सेवन गरी महोत्तरीमा एक जना अधिवक्ताले आत्महत्या गरेका छन्। डाम्ही मडै गाविस–५ बस्ने ३५ वर्षीय वीरेन्द्र झाको विष सेवनबाट मृत्यु भएको जिल्ला प्रहरी कार्यालय महोत्तरीले जनाएको छ। अधिवक्ता मृतक झा जिल्ला अदालत महोत्तरीमा सरकारद्वारा व्यवस्था गरिएको कानुनी सहायता समितिको नायब सुब्बा र नेपाल बार एसोसिएसन महोत्तरीको सदस्य समेत थिए।
पत्नीसँग घरायसी विवादका कारण तनाबमा रहनुभएका अधिवक्ता झा मङ्गलबार साँझ झुण्डिएर आत्महत्या गर्ने प्रयास गर्दा परिवारले थाहा पाएर उनलाई बचाउन सफल भएका थिए। तर उनी बुधबार बिहान खेतबारीमा छर्ने रोगन नामक कीटनाशक विषादी सेवन गरी घरमै बेहोस भएका थिए।
विषादी सेवनबाट बेहोस भएका अधिवक्ता झालाई परिवारले बिहानै उपचारका लागि जिल्ला अस्पताल जलेश्वरमा ल्याइए पनि त्यहाँ उपचार सम्भव नभएपछि थप उपचारका लागि अञ्चल अस्पतालमा सिफारिस गरिएको थियो। अञ्चल अस्पतालमा झाको आज बिहान ३ बजे उपचारकै क्रममा मृत्यु भएको परिवारजनले जनाएका छन् ।
0 comments
Write Down Your Responses