छात्रालाई बलात्कार गर्ने शिक्षक फन्दामा
महोत्तरी, १८ साउन । आफ्नै छात्रालाई बलात्कार गर्ने शिक्षकलाई महोत्तरीमा प्रहरीले पक्राउ गरेको छ । जिल्लाको गौशाला–२ स्थित न्यू पाठशाला आवासीय विद्यालयको छात्रावासमा आफ्नै छात्रामाथि बलात्कार गर्ने सोही विद्यालयका शिक्षक नागेन्द्र ठाकुरलाई बिहीबार साँझ पक्राउ गरिएको इलाका प्रहरी कार्यालय गौशालाले जनाएको छ ।
सर्लाही जिल्ला कविलाशीका बासिन्दा ठाकुरले गत मङ्गलबार राति छात्रावासमा सुतिरहेकी अन्दाजी १६ वर्षीया एक छात्रालाई बलात्कार गरेका थिए ।
छात्राको उजुरीकै आधारमा ठाकुरलाई पक्राउ गरी अनुसन्धान सुरु गरिएको इप्रका गौशालाका प्रहरी निरीक्षक दीपक गिरीले जानकारी दिनुभयो ।
यता विद्यालयका छात्रछात्रा र विद्यालय आसपासका बासिन्दाले ठाकुरमाथि कडा कारबाहीको माग गरेका छन् । प्रहरीले ठाकुरसँगको बयानपछि अदालती कारबाही तत्काल सुरु गरिने जनाएको छ ।
0 comments
Write Down Your Responses