पैसा नदीएको झोकमा एक झोकी छोराले बञ्चरो प्रहार गरी आमाको हत्या

रामेछाप, २४ भदौ । रामेछाप जिल्लाको तिल्पुङ गाविस–२ का २१ वर्षीय भोला बुढाथोकीले बञ्चरो प्रहार गरी आफ्नै आमाको हत्या गरेका छन् । तीजको ब्रत बसेकी आमासँग पैसा माग्दा नदिएको निहुँमा आइतबार साँझ आफ्नै घरमा बुढाथोकीले आमा सुन्तली बुढाथोकीलाई बञ्चरो प्रहार गर्दा उनको घटनास्थलमा नै मृत्यु भएको

दिनभर तीजको ब्रत बसेर साँझ पूजा लगाउने तयारीमा रहेकी ४६ वर्षीया आमा सुन्तली बुढाथोकीसँग पैसा माग्दा नदिएको निहुँमा छोराले उनीमाथि बन्चरो प्रहार गरेको प्रहरी निरीक्षक राजेन्द्र थापाले जानकारी दिनुभयो । उहाँका अनुसार आमाको हत्यापछि भोला आमाका सबै गरगहना लिएर बेपत्ता भएका छन् ।

स्थानीय राजेन्द्र पौडेलका अनुसार भोला घरमा कमैमात्र बस्ने केही दिन अगाडिदेखि बाबुको मोबाइल फोनको विषयलाई लिएर आमासँग झगडा गर्दै आएका थिए । प्रहरीले हत्यामा प्रयोग भएको एक थान बन्चरो बरामद गरेको छ । मृतकको शव आज परीक्षण गरिएको छ ।

Labels: Crime, अपराध