१० किलो सुनसहित ३ जना पक्राउ
सिन्धुपाल्चोक,फागुन १५–प्रहरीले १० केजी अवैध सुनसहित तीन जनालाई पक्राउ गरेको छ । खासाबाट बा ९ च ७२६८ नम्बरको बोलेरोको पछाडी राखेर ल्याइदै गरेको सुनलाई प्रहरीले बाह्रबिसे नाकाबाट बरामद गरेको हो
चेकिङका क्रममा प्रहरीले सुनसहित पक्राउ गरेको तीनजनामा ३१ वर्षीय तीब्बती नागरिक कर्माछिरिङ शेर्पा, ४६ वर्षिय चिनियाँ नागरिक सीजङ घ्याम्पुङ र सवारी सिन्धुपाल्चोक घर भएका सवारी चालक जीमी शेर्पा रहेको प्रहरीले जनाएको छ । उनीहरुमाथि अहिले थप अनुसन्धान भइरहेको बताइएको छ ।
पछिल्लो समय नेपाल भएर सुन तस्करी गर्न तस्करहरु आकर्षीत भएका छन् । प्रहरीका अनुसार भारतले सुन आयातमा कढाई गरेपछि नेपाल भएर सुन तस्करी गर्न तस्करहरु आकर्षित भएका हुन् । नेपालको कमजोर सुरक्षा व्यवस्थाको फाइदा उठाउँदै तस्करहरुले चीनबाट नेपाल हुँदै भारतमा लगेर सुन बेच्ने गर्छन् ।
0 comments
Write Down Your Responses