मलेसिया एयरलाइन्सको विमान अझै बेपत्ता
शनिबार बिहानदेखि बेपत्ता मलेसिया एयरलाइन्सको विमान अझै फेला पर्न सकेको छैन । भियतनामको एक विमानले साउथ चाइना सी मा केही वस्तु तैरिरहेको जस्तो देखेको खबर गरेपनि त्यो के हो भन्ने पुष्टी
भियतनामी विमान सेवाले समुन्द्रको दुई स्थानमा तेलको ठूलो धब्बा देखिएको जनाएपनि पुष्टि हुन सकेको छैन । खोजीमा २२ विमान र ४० नौसैनिक पोत जुटेका छन् । विमान खोज्नकै लागि अमेरिकाले पनि विशेष जहाज भियतनामको दक्षिणी तटतर्फ पठाएको छ ।
अनुसन्धानकर्ताहरुले चोरीको पासपोर्ट लिएर विमानमा चढेका दुई यात्रुको सीसीटिभी फुटेज जाँच गरिरहेको जनाएका छन् । विमानमा यात्रा गर्न टिकट बुकिङ गरेर पनि नचढेका यात्रुबारे पनि खोजी भैरहेको छ ।शनिबार उडान भरेको दुई घण्टामै बेपत्ता भएको उक्त विमानमा चालक दलका १२ सहित २३९ जना थिए । शुक्रबार रातको १२ बजेर ४१ मिनेटमा क्वालालाम्पुरबाट उडान भरेको बोइङ ट्रिपल सेभेन विमान शनिबार बिहान २ बजेर ४० मिनेटदेखि सम्पर्क बिच्छेद भएको हो ।
एसियाकै ठूलो विमान कम्पनी मलेसिया एअरलाइन्स मलेसियाको सरकारी विमान कम्पनी हो । यो कम्पनीले विश्वका विभिन्न ८० स्थानमा ३७ हजार यात्रुलाई दैनिक उडान सेवा दिंदै आएको छ । (एजेन्सी)
0 comments
Write Down Your Responses