दुई विदेशीले नेपालीबाट लाखौँ ठगे
रत्ननगर (चितवन), फागुन २० – दुई जना विदेशीले चितवनलगायत विभिन्न जिल्लाका युवासँग लाखौँ रकम ठगेको खुलासा भएको छ । मलेसियामा जागिर लगाइदिने भन्दै उनीहरूले नेपालीलाई ठगेका हुन् ।चितवन,
मलेसियाका नुरुत तोजा र पाकिस्तानी नागरिक मोहम्मद खान नेपाल आई यसरी रकम ठगेर बेपत्ता भएका हुन् । ठगिनेमा चितवनका मात्रै ५४ जना छन् । अन्य पोखरा र नवलपरासीका रहेका छन् ।रु ५० हजारदेखि लाखौँ रकम उठाएर उनीहरू बेपत्ता भएको भरतपुर चितवनका योगेश थापाले बताए । उनले आफ्नो तीन दाजुभाइबाट रु दुई लाख लगेको बताए । माघ अन्तिम सातासम्म उनीहरू पैसा उठाउँदै विभिन्न जिल्लामा बसेको भए पनि अहिले भने बेपत्ता भएको थापाको भनाइ छ ।आफूहरू ठगिएको थाहा पाएपछि ती युवा कहिले प्रहरी कार्यालय र कहीले पत्रकारहरूलाई दुखेसो पोख्न भौँतारिन थालेका छन् । ठगहरूले गाउँका युवालाई मलेसियाको कम्पनीमा आकर्षक तलब दिनेगरी जागिर लगाइदिन्छु भन्दै पैसा उठाएको पीडितहरूले बताएका छन् ।ती ठगहरूलाई पक्राउ गरी रकम असुलीको मागसहित अफूहरूले हालै हनुमानढोका प्रहरीमा उजुरीसमेत दिएको पीडित विजय विकले बताए ।
0 comments
Write Down Your Responses