बालिकाको शरीरभरि रौं

काँकडभिट्टा, असार २४ - झापा दुवागढी-४ की अढाई वर्षीया लमु डोल्मा तामाङको अनुहार र शरीरभर रौंले ढाकेको छ । अनुहारको दायाँ पाटो हेर्दा जोकोहीलाई झस्काउँछ, शिरदेखि पैतालासम्म रौंका कारण पुरै कालो छ ।दुई दिनअघि छिमेकको बिहेमा गएकी उनीप्रति सबैको ध्यान तानियो । बेहुला-बेहुलीभन्दा उनलाई हेर्नेको भिड लाग्यो । 'के भएको, कसरी भएको भनेर हैरान लगाउँछन्,' हजुरबा लखमानले भने । बेलाबेलामा उनी आफैंले आमालाई सोध्छिन्, 'मेरो अनुहारमा के भएको ?' आमा नाजबाफ हुन्छिन् 

विपन्न परिवार उनको अवस्थाबारे सधैं चिन्तित छन् । तर, कमजोर आर्थिक अवस्थाका कारण चिन्ता हटेको छैन । 'काठमाडौंमा उपचार हुने सुनेको छु,' तामाङले भने, 'त्यहाँसम्म पुग्ने हैसियत छैन ।' उनका बाबु प्रकाश वैदेशिक रोजगारीमा छन् । त्यहाँ कमाएको रकमबाट छोरीको उपचार गर्ने उनको धोको छ ।

Labels: Health