इमेल पासवर्ड चोरेको आरोपमा ट्राभल्स सञ्चालक गौतम पक्राउ
२३ असार, काठमाडौं । इमेल पासवर्ड चोरेर दुरुपयोग गरेको आरोपमा नेपाज हेरिटेज ट्राभल्स एण्ड टुरका सञ्चालक पक्राउ परेका छन् । प्रहरीको केन्द्रीय अनुसन्धान ब्यूरो सीआईबीको टोलीले बिद्युतीय कारोबार ऐनमा उल्लेखित कसुर अपराधमा संलग्न रहेको आरोपमा २७ वर्षीय अवेश गौतमलाई पक्राउ परेको हो ।
उनले आईएलडी नेपाल ट्राभलको पासवर्ड चोरेर ग्राहकहरुलाई अनधिकृत रुपमा इमेल पठाई आफ्नो कम्पनीको व्यापारमा लाभ पुर्याउने मनसाय राखको सीआईबीले जनाएको छ । गौतम आईएलडीका पूर्व कर्मचारी हुन् ।उनको कम्प्युटर सीपीयू, ल्यापटप समेतका समानहरु बरामद गरी परिक्षण पश्चात् आवश्यक कानुनी कारवाहीको लागी जिल्ला सरकारी वकिलको कार्यालय, बबरमहल काठमाण्डौमा पेश गरिएको छ । दोषी ठहरिए ले ३ वर्षसम्म कैद वा २ लाख रूपैयाँसम्म जरीवाना वा दुबै सजाय हुनसक्ने ब्यवस्था छ ।
0 comments
Write Down Your Responses