जनसंघर्ष थाल्नुपर्नेमा नेकपा–माओवादीको जोड
काठमाडौं, माघ ११–नेकपा–माओवादीको केन्द्रीय समिति बैठकमा बिहीबार अध्यक्ष मोहन वैद्यले बैठकमा सदस्यहरुले उठाएको प्रश्नमाथि जवाफ दिदै छन् । पार्टी केन्द्रीय कार्यालय बुद्धनगरमा जारी बैठकमा अध्यक्ष वैद्यले जिज्ञासाको जवाफसहित आगामी योजनाबारे संश्लेशित धारणा राख्ने सचिव देव गुरुङ्गले जानकारी दिए ।बुधबार बसेको पदाधिकारी बैठकले अध्यक्ष वैद्यले बैठकमा दिने जवाफको गृहकार्य गरेको थियो । हालसम्म धारणा राख्ने पोलिटव्युरो र केन्द्रीय सदस्यहरुले राष्ट्रियता र जनजिविकाका मुद्दालाई प्राथमिकतामा राखेर जनसंघर्ष थाल्नुपर्नेमा जोड दिएका थिए । हालै सम्पन्न महाधिवेशनपछि पार्टीको आगामी योजना र नेताहरुको कार्य विभाजन गर्न गत आइतबारदेखि केन्द्रीय समिति बैठक शुरु भएको थियो ।
0 comments
Write Down Your Responses