महिलामाथि हुने हिंसाका घटना बढ्दो

पोखरा, १७ पुस । महिला हिंसासम्बन्धी कानुनको प्रभावकारी कार्यान्वयन नहुँदा महिलामाथि हुने हिंसाका घटना बढ्दै गएको इन्सेकद्वारा सार्वजनिक प्रतिवेदनमा जनाइएको छ । अनौपचारिक क्षेत्र सेवा केन्द्र

जिल्लामा भएका कुल ७६ वटा मानवअधिकार उल्लङ्घनका घटनामा १७४ जना पीडित भएको र त्यसमा महिलाको संख्या १०५ र रहेको पुस्तकमा उल्लिखित छ ।

धम्की÷कुटपिटका सातवटा घटनामा राज्यपक्षबाट पाँच र अन्यबाट दुई वटा भएका छन् । अभिव्यक्ति स्वतन्त्रता, भेला हुने, संगठित हुने अधिकारअन्तर्गत सातवटा घटनामा ३१ जना पीडित भएको इन्सेक जिल्ला प्रतिनिधि सनबहादुर थापाले बताउनुभयो ।

कार्यक्रमका सहभागीहरूले मानवअधिकार उल्लङ्घनका दोषीलाई कारबाही र पीडितलाई न्याय दिलाउन संवेदनशील भएर काम गर्नुपर्नेमा जोड दिएका थिए ।

कार्यक्रमलाई सम्बोधन गर्दै सभासद् सीता गिरी (ओली)ले मानवअधिकार उल्लङ्घनका दोषीलाई राजनीतिक संरक्षण दिन नहुने बताउनुभयो ।

नेपाली काँग्रेसका सचिव कृष्ण केसीले समाजमा हुने मानवअधिकार विरोधी घटनालाई न्यून बनाउन मानवअधिकार वर्ष पुस्तकले सहयोग पु¥याएको चर्चा गर्दै विगतका तुलनामा राजनीतिक क्षेत्रबाट हुने घटनामा कमी आएको विचार व्यक्त गर्नुभयो ।

सहायक प्रमुख जिल्ला अधिकारी चन्द्रनाथ गौतमले वास्तविक मानवअधिकार उल्लङ्घनका भएको घटनाबारे स्पष्ट भएर विवरण सार्वजनिक गर्नुपर्ने उल्लेख गर्दै अनुगमनका क्रममा देखिएका सत्य, तथ्यलाई बाहिर ल्याउनुपर्छ भन्नुभयो ।

Labels: Crime