Nepali News » लखन थापालाई प्रथम सहिद घोषणा गर्न माग

गरेको थियो ।लखन थापा मगर तथा जैसिङ चुमी प्रजातान्त्रिक क्लबको आयोजनामा शुक्रबार भएको स्मृति कार्यक्रममा बोल्दै स्थानीय कृष्ण आलेले भने, ‘एक सय ३७ वर्षअघि एकतन्त्रीय राणाशासन कालमा लखन थापा र जैसिङ चुमीको यहीँको खिर्राको रूखमा फाँसी दिएर मारिएको थियो, कि त सरकारले त्यसभन्दा अघि कोही सहिद भएको छ भन्नुपर्‍यो, कि लखन थापालाई प्रथम सहिद घोषणा गर्नुपर्‍यो ।’ बुङकोटवासीले दुई दशकदेखि थापालाई प्रथम सहिद घोषणा गर्न सरकारसमक्ष माग गरे पनि अझै त्यसको सुनुवाइ नभएको भन्दै उनले चिन्ता जनाए ।जहानियाँ राणाशासनविरुद्घ बोली फाँसीमा पर्ने पहिलो व्यक्ति लखन थापा नै हुन् ।’ स्थानीय मितबहादुर रानाले भने, ‘लखनलाई राष्ट्रिय विभूति प्रदान गर्नुपर्छ र उहाँको जीवनी पाठ्यक्रममा समावेश गर्नुपर्छ ।’ कृष्णप्रसाद भट्टराई प्रधानमन्त्री हुँदादेखि नै बुङकोटवासीले थापालाई प्रथम सहिद घोषणा गर्न माग गरेका थिए ।यस्तो छ इतिहासजंगबहादुर राणाको निरकुंश शासनको विरोध गर्दा ४२ वर्षको उमेरमा लखन थापाको हत्या भएको थियो । ३ फागुन १९३३ मा गोरखा बुङकोटको काउले भंगारमा लखन थापा र सहकर्मी जैसिङ चुमीलाई खिर्राको रूखमा फाँसी दिएर हत्या गरिएको थियो । त्यसैको सम्झनामा अहिले पनि बुङकोटवासी लखन थापा र जैसिङ चुमीको स्मृति दिवस मनाउँछन् ।लखन थापा र जैसिङ चुमी सेनामा काम गर्थे । उनीहरू लामो सयमसम्म घरबिदामा बसेपछि लखनको हजुरआमाले ‘छुट्टी सकियो बाबु, अब काम गर्न जाउ, भन्दा’ उनीहरू नमानेको स्थानीय बताउँछन् । उनीहरू एकतन्त्रीय जहानियाँ राणाशासनको विरोध गर्दै हिँड्थे ।

0 comments

Write Down Your Responses