नाबालिकामाथि बलात्कारको प्रयास गर्ने वृद्ध प्रहरी खोरमा
सिराहा, १८ फागुन । सिराहाको दक्षिणवर्ती गाविस पिप्रा–७ मा एक नाबालिकालाई ५५ वर्षीय वृद्धले दुर्व्यवहार गर्नुका साथै बलात्कारको प्रयास गरेका छन् । घाँस काट्न खेतमा गएको समयमा ११ वर्षीया नाबालिकालाई शनिबार स्थानीय रामपृत साहले बलात्कारको प्रयास गरेका हुन् । साहले बलात्कारको प्रयास गरेपछि
नजिकै खेतमा काम गर्ने मानिसहरुले साहलाई लखेटेर नियन्त्रणमा लिई प्रहरी चौकी औरहीमा बुझाएको जिल्ला प्रहरी कार्यालय सिरहाका प्रहरी नायब उपरीक्षक रमेश तामाङले जानकारी दिनुभयो
बलात्कारको प्रयास गर्ने साहमाथि कानुनबमोजिम कारबाही गर्न पीडित नाबालिकाको परिवारले जिल्ला प्रहरी कार्यालयमा उजुरी दर्ता गराएकाले करणी उद्योग मुद्दाअन्तर्गत कारबाही प्रक्रिया अगाडि बढाइएको प्रहरी नायब उपरीक्षक तामाङले बताउनुभयो ।
0 comments
Write Down Your Responses