अमेरिका अफगान सम्बन्ध चिसिँदै
पुलिआलम (अफगानिस्तान), २२ फागुन । अफगानिस्तानमा रहेको नेटो सैनिकको आक्रमणमा परी बिहीबार पाँचजना अफगान सैनिकको ज्यान गएको घटनापछि संयुक्त राज्य अमेरिका र अफगानिस्तानको सम्बन्धमा थप चिसोपना आउने आशङ्का गरिएको छ । यस अघिदेखि नै अफगानिस्तानमा यसै वर्षको
नेटो सैनिकको बसाई लम्बाउने वा नलम्बाउने भन्ने बारेमा विवाद कायम रहेकै बेला यो पछिल्लो हत्याका कारण यी दुई देशका बीचको सम्बन्धमा थप चिसोपना आउनसक्ने अनुमान गरिएको छ पूर्वी अफगानिस्तानमा बिहीबार नेटो सैनिकले गरेको हवाई आक्रमणमा पाँच अफगान सैनिकको मृत्यु भएको समाचारलाई नेटोले भने भूलबस हुन पुगेको भन्दै दुःख मनाउ गरेको छ ।
नेटोसँग आबद्ध संयुक्त सेनाले बिहीबार गरेको हवाई हमलामा परी ती सैनिकको निधन भएको भन्दै यो घटनाको अनुसन्धान भइरहेको जानकारी नेटोले एक विज्ञप्ति प्रकाशन गरेर दिएको छ । यस घटनामा पाँच अफगान सैनिकको मृत्यु हुनुका साथै अन्य आठ घाइते भएको अफगानिस्तानको प्रतिरक्षा मन्त्रालयले जनाएको छ । सो मन्त्रालयका प्रवक्ता जाहिर आजिमीले सो जानकारी दिएका हुन् । यसअघि पनि अफगानिस्तानमा गर्ने गरिएको हवाई आक्रमणमा सुरक्षाकर्मी र नागरिक हताहतिलाई लिएर अमेरिका र अफगानिस्तानबीच विवाद हुँदै आएको छ ।
नेटो सैनिकले गर्ने गरेको यस्तो हवाई हमलाका क्रममा सर्वसाधारण नागरिक पर्ने गरेको भन्दै अफगान सरकारले त्यसको विरोध गर्दै आएको छ । उक्त हत्याप्रति माफी माग्दै नेटोका प्रमुखले आगामी दिनमा यस्तो घटना नहुने बताउनुभएको छ भने अफगानिस्तानका राष्ट्रपति हमिद कारजायीका प्रवक्ताले सो घटनाको गम्भीर रुपमा अनुसन्धान हुनुपर्ने बताएका छन्
0 comments
Write Down Your Responses