संविधानसभाको दिन गिन्ती सुरु भयो : मन्त्री खड्का
रुकुम, २६ फागुन । सहरी विकास मन्त्री डा. नारायण खड्काले संविधानसभाको दिन गिन्ती सुरु भइसकेको बताउनुभएको छ । जिल्ला विकास समिति रुकुमको सातौँ जिल्ला परिषद्लाई सोमबार उद्घाटन गर्दै मन्त्री
संविधानसभा निर्वाचनताका सबै राजनीतिक दलले वर्ष दिनभित्रै नयाँ संविधान जारी गर्ने प्रतिबद्धता जाहेर गरेको स्मरण गर्दै मन्त्री खड्काले राजनीतिक दलहरुले चाहेको खण्डमा समयमै संविधान जारी हुने दाबी गर्नुभयो ।
संविधान जारी भएपछि विकास निर्माणका ढोका खुल्ने र राष्ट्र समृद्धितर्फ लम्कने बताउँदै उहाँले यस पटक पनि संविधान जारी नभए मुलुकको राष्ट्रियता नै खतरामा पर्नेतर्फ सबै राजनीतिक दल सचेत हुनुपर्ने बताउनुभयो ।
अहिले नेपाल राजनीतिक परीक्षणको घडीमा रहेको भनाइ उहाँको थियो । “पटकपटक संविधानसभाको निर्वाचन गर्ने हामी फेरि पनि संविधान जारी गर्न नसक्ने अवस्थामा पुगे त्यो निकै लज्जास्पद काम हुनेछ,” मन्त्री खड्काले भन्नुभयो ।
एक अर्को प्रसङ्गमा मन्त्री खड्काले एकीकृत नेकपा (माओवादी) लगायतका दल पनि वर्तमान सरकारमा सहभागी हुनुपर्ने बताउनुभयो । संविधान जारी नहुँदासम्म संविधानसभामा प्रतिनिधित्व गर्ने सबै दल सरकारमा सहभागी हुनुपर्ने भनाइ उहाँको थियो । सबै दलको सहभागितामा सरकार निर्माण गरी जति सक्दो चाँडो स्थानीय निकायको निर्वाचन गर्न लाग्नुपर्ने पनि उहाँले बताउनुभयो ।
0 comments
Write Down Your Responses