संधैका लागि मंगल ग्रहमा जान मारामार
एउटा निजी कम्पनीले सदाका लागि मंगल ग्रहमा जान चाहनेहरुको एकतर्फी यात्राका लागि दरखास्त आह्वान गरेपछि अहिलेसम्म १ लाख ६५ हजारले आवेदन दर्ता गराइसकेका छन् । मंगल ग्रहसम्मको एकतर्फी यात्रा आयोजनाको दाबी गर्ने नेदरल्याण्ड्सस्थित संस्था ‘मार्स वन’ ले पृथ्वीबाट मान्छे लगेर मंगलमा वस्ती
‘मार्स वन’ ले विश्वभरबाट मान्छेहरु छनोट गरी दुई वर्षको राशन–पानीको ब्यवस्था सहित मंगलग्रहमा मान्छे लैजाने बेलायती अखबार द इण्डिपेन्डेन्टले उल्लेख गरेको छ । जो मानिसहरु सँधैका लागि मंगल ग्रहमा जान चाहन्छन्, यो उनीहरुको जीवनको अन्तिम यात्रा हुनेछ । उनीहरु फेरि पृथ्वीमा फर्कन सक्ने छैनन् । कति त त्यहाँ पुग्नुअघि नै मर्न सक्छन् भने कोही त्यहाँ पुगेर पनि जीवित रहने छैनन्, त्यसैले यसलाई ‘सुसाइड मिसन’ पनि भनिएको छ । यदि मंगलमा कोही दुई वर्षसम्म जिवित नै रह्यो भने उसले त्यहाँ आफू जस्तै साथी भेट्ने छ , किनभने ‘मार्स वन’ ले प्रत्येक २ वर्षमा पृथ्वीबाट ४ देखि १० जनाको समूहमा यात्रीहरुलाई मंगल ग्रहमा पुर्याउनेछ । पृथ्वीबाट भिन्दाभिन्दै महादेशका ४ जनाको टोली पहिलो पटक सन् २०२३ सम्म मंगलमा पुर्याउने संस्थाले जनाएको छ ।
0 comments
Write Down Your Responses